Ministrja e Ekonomisë, Artane Rizvanolli, ka njoftuar se sot është hapur thirrja për aplikime për investime në efiçiencë të shtëpive, raporton Gazeta Online Reporteri.net.
Përmes një postimi në rrjetin social Facebook, Rizvanolli ka thënë se qytetarët nga tash mund të aplikojnë për përkrahje financiare deri në 5 mijë e 500 euro për të izoluar shtëpitë a çatitë dhe për të zëvendësuar dritaret e dyert e jashtme.
“Sapo u hap thirrja për aplikime për investime në efiçiencë të shtëpive!
Sipas parimit kush aplikon i pari shërbehet i pari, nga tash do të mund të aplikoni për përkrahje financiare deri në 5,500€ për të:
– Izoluar shtëpitë e çatitë tuaja
– Zëvendësuar dritaret e dyert e jashtme
Për të kuptuar se a kualifikoheni, lexoni me kujdes thirrjen në: https://fkee-rks.net/thirrjet-publike/”, shkroi ajo.
