Javën e kaluar në qytetin e Podujevës është zbuluar shtatorja e presidentit Dr. Ibrahim Rugova.
Në këtë ceremoni morën pjesë krerët e shtetit, presidentja Vjosa Osmani, kryeministri Albin Kurti, zëvendëskryeministrja Donika Gërvalla, ish-presidenti Fatmir Sejdiu e deputetë të tjerë.
“Gërvalla e ka marrë fjalën, bashkëpunëtorja e afërt e Kurtit dhe krejt kjo ka qenë arsyeja e vetme pse Kurti s’e ka marrë fjalën. Gërvalla ka qenë një nga bashkëpunëtoret më të afërta të Rugovës, dihet historiku i saj, dihet nga çfarë familje rrjedh dhe kjo ka qenë një moment ku iu ka dhënë një mundësi një zëvendëskryeministre, pasi mendoj se kryeministri dhe zëvendëskryeministri janë aty pari”.
Bulliqi foli edhe për mosftesën e kryetarit të LDK-së, Lumir Abdixhiku, pë të cilin tha se nuk i ka çuar ftesë pasi sipas tij, Abdixhiku e ka tërhequr fotografinë e Rugovës nga zyra e tij përpara një interviste.
“Në momentin që u zbulua fakti se Lumir Abdixhiku e tërheq fotografinë e presidentit Rugova prej zyrës ku e jep intervistën, atëherë cila është arsyeja ta ftoj një personalitet që për ta ngritur imazhin e vet, e sposton anash”, tha Bulliqi.







