Bulliqi: Ndërtimi i Rrugës Lidhëse: Një Alternativë e Re për Qarkullimin në Podujevë

Kryetari i komunës, Shpejtim Bulliqi, ka njoftuar se po ndërtohet rruga lidhëse nga magjistralja Podujevë-Prishtinë me rrugën “Vëllezërit Frashëri” sipas planit dinamik.

Ky projekt i rëndësishëm do të ofrojë një alternativë të re për qarkullimin e automjeteve, duke lehtësuar hyrje-daljen në qytet. Me ndërtimin e kësaj rruge, synohet të përmirësohet efikasiteti i transportit dhe të rritet siguria në komunikacion.

Kryetari Bulliqi theksoi angazhimin për të vazhduar me punë të mira në shërbim të të gjithë qytetarëve, duke kontribuar kështu në zhvillimin e komunës.

Postimi tij i plote:

Po ndërtohet sipas planit dinamik rruga lidhëse nga magjistralja Podujevë-Prishtinë me rrugën “Vëllezërit Frashëri”.

Me ndërtimin e kësaj rruge të re, po ofrohet një alternativë e re e shumë e rëndësishme për qarkullimin e lehtë dhe të shpejtë të automjeteve në komunikacion në hyrje-dalje të qytetit.

Vazhdojmë me punë të mira në shërbim të të gjithë qytetarëve!