Ekrem Hyseni, kryetar i Lidhjes Demokratike të Kosovës në Podujevë, shënoi rëndësinë e muajit nëntor, duke e quajtur atë një muaj të mbushur me data historike për shqiptarët dhe për Republikën e Kosovës. Sot, më 1 nëntor, ai kujtoi ditëlindjen e heroit kombëtar dhe komandantit të orëve të para të Ushtrisë Çlirimtare të Kosovës, Zahir Pajaziti. Hyseni theksoi rolin e jashtëzakonshëm të Pajazitit si strateg dhe figurë kyçe në lëvizjen për liri, duke e përshkruar atë si dikë që i dha një drejtim të ri historisë së popullit shqiptar dhe u bë vetë pjesë e saj.
Hyseni u shpreh me nderim të përhershëm për sakrificën e Pajazitit dhe të gjithë të rënëve për lirinë e Kosovës, duke theksuar se respekti për ta do të jetë i përjetshëm.
Postimi i tij i plot:
Nëntori historik në vete përmban data të rëndësishme, pesha e të cilave është përjetësuar në historinë e Republikës sonë.
Pikërisht sot më 1 nëntor, kujtojmë ditëlindjen e Komandantit të orëve të para të Ushtrisë Çlirimtare të Kosovës, strategut të jashtëzakonshëm, heroit të Kosovës, Zahir Pajaziti.
Lindja e tij me 1 nëntor e kuptimësoi edhe më shumë Nëntorin tek shqiptarët, ndërkaq ai i dha kahe të re historisë së popullit tonë, duke u bërë vet pjesë e saj.
Nderimi e respekti për Komandantin Zahir Pajaziti dhe për të gjithë të rënët për liri do jetë i përjetshëm!
