Në Kuvend po vazhdon debati për RTK-në. Jashtë kuvendit sapo ka ardhur një reagim nga Mefail Bajqinovci.
Mefi i VV-së ka thënë se familjarët e shumë anëtarëve nga opozita janë të punësuar në RTK.
“Familjarë të liderëve, disa deputetëve dhe kryetarëve të komunave të opozitës janë punësuar në RTK. Ata që flasin sot për kapjen e RTK-së duket se harrojnë se për 20 vjet lajmet qendrore në RTK ishin të njëjtat skenarë: Lajm i parë – PDK, lajmi i dytë – PDK, i treti – PDK, lajm i katërt PDK, lajm i pestë AAK dhe LDK e kështu me radhë, duke përfunduar me ndonjë lajm për opozitën.
Mos harroni kur stafi i presidentit Thaçi u jepte urdhra gazetarëve se si duhej të pyetej ai në intervista, dhe jo rrallë herë, ishte e dukshme se pyetjet ishin të “kurdisura”. Këta që sot flasin për RTK-në kinse po e mbrojnë.
Veç merrni emrat e familjarëve të politikanëve dhe e shihni kush e ka plasur RTK-në.
Filloni me emra dhe e shihni” shkruan Bajqinovci në reagim./
