Lionel Messi mund të bëjë rikthimin sensacional tek Barcelona në 2025, pasi planet e kontratës nga Inter Miami potencialisht përfshijnë aktivizimin e një klauzole transferimi.
Ylli argjentinas po futet në vitin e fundit të kontratës së tij aktuale në Florida. Këto kushte, sidoqoftë, përfshijnë opsionin e rinovimit të saj edhe për 12 muaj të tjerë.
‘The Herons’ pritet që ta zgjasin bashkëpunimin me tetë herë fituesin e Topit të Artë në mënyrë që ai të vazhdojë të luajë në ‘Chase Stadium’.
Në rast se ai pajtohet që të qëndrojë tek Miami atëherë do të thotë se ai do të kalonte në dy sezone në MLS.
Sipas kësaj Messi do të lejohej që të bënte një transferim diku tjetër në formë huazimi gjatë kohës kur kampionati është në pushim.
Sipas një raportimi nga El Nacional, kjo mund ta hapë rrugën që Messi të bëjë rikthimin e madh tek Barcelona.
Është sugjeruar se në mënyrë që ai të qëndrojë në formë të duhur fizike për Botërorin, Messi mund të rikthehet tek Barcelona sapo sezoni në MLS të vijë drejt përfundimit.
Lojtarë legjendarë si Thierry Henry dhe Robbie Keane kishin siguruar transferimin në formë huazimi në Ligën Premier tek ekipe si Arsenali dhe Aston Villa gjatë kohës sa po luanin në MLS.
