Puntata e fundit e së martës së Big Brother VIP Albania, ka thyer rekorde shikueshmëri në platformën YouTube.
Për tre ditë, ky episod i edicionit të katërt ka grumbulluar 2.9 milionë shikime në këtë platformë.
Kjo shifër tregon një interes të gjatë nga audienca për të përcjellë dinamikat e pafundme, analizat dhe diskutimet për banorët aty brenda.
Atë natë, Vëllai i Madh njoftoi se për shkak të shkeljeve të rënda të rregullave gjatë javës, duke përfshirë dhunën verbale dhe sjelljet jo korrekte, nga tre banorë – Jozi, Amber dhe G Bani – do të shkonin në televotim.
Por kjo situatë mori një kthesë të papritur kur Amber vendosi të largohej nga shtëpia me vullnetin e saj. Ajo shpjegoi se nuk ndjehej më rehat në lojë pas ngjarjeve të fundit.
Si për krahasim, shifra prej 2.9 milionë e shikimeve që episodi i 14 janarit mori, është dukshëm më e lartë se episodi i finales së madhe të edicionit të dytë të BBVA-së, ku u shpall fitues Luiz Ejlli.
Iu deshën gati dy vjet që ky prime të grumbullonte 2.4 milionë shikime në YouTube.
