ADVERTISEMENT
Shefi i Grupit Parlamentar të Aleancës për Ardhmërinë e Kosovës (AAK), Besnik Tahiri përmes rrjetit të tij social Facebook ka përkujtuar Elfete Humollin duke thënë se ajo ishte një heroinë e Kosovës që simbolizon dëshmimin e asaj që të rinjtë i humbën ëndrrat e fëmijërisë për shkak të okupimit serb.
Gjithashtu tha: Dëshira e saj për liri dhe atdhedashuri ishte e qartë edhe në moshën e re, dhe ajo shquhej si një nxënëse e shkëlqyer, që e kuptonte rëndësinë e luftës për atdheun.
Ylfetja u bë një figurë e rëndësishme e kombit, dhe vrasja e saj nuk e ndali aspak frymën e lirisë. Vëllai i saj, Mentori, e vazhdoi këtë rrugë heroike, duke rënë dëshmor në vitin 1999 gjatë luftës për çlirimin e Kosovës.
Ylfetja mbetet simbol i pavdekshëm i luftës për liri dhe dinjitet, duke shërbyer si udhërrëfyes për brezat që do të vijnë gjithashtu shtoi Tahiri.
