24 gra përfituese nënshkruajnë kontratat për pajisje bujqësore
Në kuadër të bashkëpunimit mes Komunës së Podujevës dhe organizatës “CARE”, sot janë nënshkruar 24 kontrata me gratë përfituese të pajisjeve bujqësore.
Nga këto, 15 gra do të mbështeten me serra për kultivimin e perimeve, ndërsa 9 të tjera me kultivatorë, freza dhe plugje. Qëllimi i këtij projekti është përkrahja e grave në agrobiznes dhe fuqizimi i tyre ekonomik në zonat rurale.
Gjatë nënshkrimit të kontratave morën pjesë edhe drejtoresha e Bujqësisë, Pylltarisë dhe Zhvillimit Rural, Lirie Hoti, si dhe përfaqësuesi i organizatës “CARE”, Egzon Gërxhaliu.
ADVERTISEMENT
