Fillimisht, u vendos gurthemeli për ndërtimin e sallës së edukatës fizike në shkollën “Shaban Shala” në qytet, me sipërfaqe prej 650 m² dhe vlerë investimi 378,970.95 €. Kjo sallë do t’u ofrojë nxënësve kushte moderne për zhvillimin e aktiviteteve sportive gjatë gjithë vitit.
Ndërsa në Dobërdol, u vendos gurthemeli për ndërtimin e objektit të ri të shkollës “Jetullah Gashi”, me sipërfaqe 1,440 m² dhe vlerë investimi 664,995.24 €. Shkolla do të ketë 9 klasa mësimi dhe një sallë për arsimtarë, duke garantuar hapësira bashkëkohore e të sigurta për nxënësit dhe stafin arsimor.
Projekti i shkollës në Dobërdol financohet nga buxheti komunal, ndërsa salla e sporteve është bashkëfinancim mes Komunës së Podujevës dhe Ministrisë së Arsimit, Shkencës, Teknologjisë dhe Inovacionit.
