Sot është përcjellë në pension me respekt dhe mirënjohje të veçantë bashkëluftëtari i njohur i Ushtrisë Çlirimtare të Kosovës, Blerim Zymeri – “Kameri”, pjesëtar i Zonës Operative të Llapit dhe ish-ushtar i dalluar i Forcës së Sigurisë së Kosovës.
Gjatë ceremonisë, bashkëluftëtarët e tij e vlerësuan lart kontributin e Blerimit në luftën çlirimtare dhe në shërbim të vendit, duke e cilësuar si shembull të përkushtimit, guximit dhe besnikërisë ndaj atdheut.
Në shenjë nderimi, u theksua se kontributi i tij në rrugën e lirisë dhe në ndërtimin e institucioneve të sigurisë së vendit do të mbetet pjesë e rëndësishme e historisë së re të Kosovës.
Bashkëluftëtarët e Zonës Operative të Llapit i uruan Blerimit shëndet, jetë të gjatë e të lumtur në këtë kapitull të ri të jetës, me mirënjohje të përjetshme për kontributin e tij të çmuar.
Lavdi luftës së UÇK-së!
Lavdi dëshmorëve të kombit!
