Sot ka nisur zyrtarisht ndërtimi i fushës së dytë të tenisit në Parkun e Paqes “Manchester”. Në ceremoninë e fillimit të punimeve morën pjesë ministri i Kulturës, Rinisë dhe Sportit, Hajrulla Çeku, deputetja Saranda Bogujevci, si dhe drejtoresha për Kulturë, Rini dhe Sport në Komunën e Prishtinës, Vlora Humolli.
Ky projekt, me një vlerë investimi prej rreth 180 mijë euro, do të realizohet konform standardeve ndërkombëtare dhe synon të ofrojë kushte moderne për sportistët dhe qytetarët që merren me tenis.
Fusha e re pritet të jetë një nga asetet sportive që do të shfrytëzohen edhe gjatë Lojërave Mesdhetare, të cilat do të mbahen në Kosovë në vitet e ardhshme.
“Besojmë se ky projekt do të ndikojë drejtpërdrejt në zhvillimin e sportit dhe në promovimin e vlerave të mirëqenies për të gjithë qytetarët,” u tha gjatë ceremonisë.
Ky është një hap i rëndësishëm drejt përmirësimit të infrastrukturës sportive në kryeqytet dhe një nxitje e re për komunitetin e tenisit në Kosovë.
