Aksident i rëndë në Lipjan, vdes shoferi i veturës pasi goditet nga një kamion

Numri i madh i aksidenteve në trafik po vazhdon të jetë shqetësues. Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik, raporton Gazeta Sinjali.

Një rast i tillë, i cili ka përfunduar me fatalitet, ka ndodh edhe sot pasdite në rrugën “Ibrahim Rugova”, në Lipjan.

Gazeta Sinjali mëson se rasti ka ndodh pasi shoferi i një kamioni nuk e ka respektuar shenjën stop, dhe e ka goditur veturën tjetër.

Për pasojë, shoferi i veturës ka ndërruar jetë.

Lajmin e ka konfirmuar edhe Policia, e cila ka njoftuar se shoferi i dyshuar është arrestuar, dhe ndaluar pë 48 orë./Sinjali