Ambasadori amerikan Jeff Hovenier falënderon pjesëmarrësit në diskutimin e sotëm për Asociacionin. Thotë se takimi i sotëm ishte “sesion dëgjimor”.
Në Ambasadën amerikane në Prishtinë, sot kanë shkuar përfaqësues të institucioneve, partive opozitare dhe shoqërisë civile për të diskutuar rreth formimit të Asociacionit të komunave me shumicë serbe në Kosovë.
Ambasadori amerikan, pas takimit, ka falendëruar pjesëmarrësit që kanë dhënë pikëpamjet dhe “ekpertizën” e tyre.
“Sot mbajtëm një sesion dëgjimor në Ambasadën amerikane në Prishtinë, rreth Asociacionit të komunave me shumicë serbe. Falenderues ndaj pjesëmarrësve të ndryshëm, që ndanë pikëpamjet dhe ekspertizën e tyre. Ne vazhdojmë të avokojmë për zbatimin e të gjitha zotimeve të dialogut”, thuhet në dekaratën e publikuar nga Ambasada.
Ndryshe, shefi i stafit Blerim Vela dhe Këshilltari i Jashtëm Bekim Sejdiu kanë përfaqësuar Presidencën në takim kurse nga kabineti i kryeministrit Albin Kurti ka shkuar Luan Dalipi.
Po ashtu, në takim morën pjesë edhe ministrat e Qeverisë, Arbërie Nagavci, Arben Vitija e Donika Gërvalla dhe ambasadorë, zyrtarë partiakë, e pjesëtarë nga shoqëria civile.
