Me drejtorin e Kulturës, Rinisë dhe Sportit Pajtim Balaj nga afër kemi përcjellur punën që po zhvillohet në zgjerimin e hapësirës në Palestrën “Hakif Zejnullahu” aty ku zhvillojnë ushtrime sportistë të arteve marciale, kik boksit, boksit, xhudos, karatesë dhe gjimnastikës.
Këtij kompleksi shumë shpejt do t’i shtohet edhe fitnesi me pajisjet adekuate për sportistët tanë. Punimet janë në fazën finale dhe pritet që për pak ditë të finalizohen në tërësi. Sportistët tanë tashmë do të kenë hapësira shumë më të përshtatshme për zhvillimin e aktiviteteve sportive.
Poashtu sot është bërë asfaltimi i fushës së basketbollit 3×3 prapa Postës në qytet. Investimi i parë i këtij lloji për banorët e qendrës së qytetit. Kjo fushë do të finalizohet me shtresën e gomës së ricikluar, do të ketë rrethoja dhe ndriqim.
