Kryetari i Komunës së Podujevës, Shpejtim Bulliqi, ka marrë pjesë në aktivitetin “Java e Kulturës Hungareze”, ku ka takuar Ambasadorin e Hungarisë në Kosovë, Dr. László Dux.
Gjatë takimit, Bulliqi e falënderoi ambasadorin për angazhimin në forcimin e marrëdhënieve ndërmjet Kosovës dhe Hungarisë, si dhe për mbështetjen në thellimin e bashkëpunimit ndërmjet komunave hungareze dhe Komunës së Podujevës.
Në emër të qytetarëve të Podujevës, kryetari Bulliqi i ndau mirënjohje Ambasadorit Dux për përkushtimin dhe gatishmërinë për ndërtimin e urave të reja të bashkëpunimit.
Bulliqi shprehu mirënjohje edhe për ushtarët hungarezë të KFOR-it, të cilët prej 15 vitesh kontribuojnë në ruajtjen e paqes dhe sigurisë në zonën kufitare ndërmjet Kosovës dhe Serbisë.
Në fund të takimit, Bulliqi dhe Ambasadori Dux u dakorduan që bashkëpunimi të thellohet edhe më tej, në funksion të zhvillimit të Podujevës dhe mirëqenies së qytetarëve.
