Ministrja e Punëve të Jashtme dhe Diasporës, Donika Gërvalla-Schwarz, ka shkruar se “çnjohja” nga Togo ka ardhur në vitin 2019, shumë përpara se të vinte në detyrë Qeveria Kurti.
Ajo ka shkruar se më e pakta që do të duhej të ndodhte është unifikimi karshi “çnjohjeve” dhe propagandës së Daçiqit e Vuçiqit
“Të dhëmbin sytë kur sheh se sa shumë përjargen disa, sa herë që Sllobo i Vogël përpiqet t’i japë një shqelm Kosovës”, ka shkruar ajo në Facebook.
Megjithatë ajo është shprehur e bindur se Kosova do ta fitojë betejën.
“Daçiçi, Vuçiçi dhe të gjithë djelmoshat e tjerë të Kasapit të Ballkanit ndoshta edhe mund ta fitojnë ndonjë sprint, por Kosova dhe qytetarët e saj përfundimisht do ta fitojnë maratonën, siç e kanë fituar në vitet e 90-ta. Në mos për asgjë tjetër, atëherë për hir të sakrificës së dhimbshme dhe kolosale në rrugën tonë drejt lirisë”, ka shkruar Gërvalla-Schwarz.
