Ministria e Bujqësisë, Pylltarisë dhe Zhvillimit Rural njofton të gjithë fermerët se sot është hapur thirrja për aplikim për sektorin e blegtorisë, bletarisë dhe shpezëtarisë.
ADVERTISEMENT
Për aplikim të pagesave direkte në sektorët e lartpërmendur përfshihen këto kategori; lopë qumështore, buallica, dele për mbarështim, dhi për mbarështim, dosat për riprodhim, pula, bletë, verë e prodhuar.
Aplikimi zgjat 30 ditë kalendarike dhe fillon që nga dita e shpalljes publike, nga data 28.02.2023 dhe përfundon më datë 29.03.2023, në ora 16:00.
VËREJTJE: Sa i përket aplikimit për kulturat me sipërfaqe të cilat duhet të digjitalizohen, ju informojmë se aplikimi fillon nga data 17.03.2023.
Aplikimi bëhet në objektin e komunës së vjetër në sallën numër 31 dhe sallën numër 46. Për kriteret dhe dokumentacionin e nevojshëm për aplikim, informatat e hollësishme mund t’i gjeni në web faqen e MBPZHR-se, www.mbpzhr-ks.net dhe në web faqen e AZHB-se, www.azhb-ks.net.
