Kandidati për kryeministër të Kosovës, Ramush Haradinaj ka komentuar deklarimet e ministres së Punëve të Jashtme, Donika Gërvalla.
“Gjeneral jam me gradën e parë të UÇK-së pastaj gradën e dytë e kam nga NATO-ja”, është kundërpërgjigjur Haradinaj.
Ndërkaq, kreu i AAK-së ka thënë se Gërvalla i ka bërë këto deklarime për disa arsye, të cilat sipas tij, lidhen me heqjen e maskës së kryeministrit të vendit, Albin Kurtit.
“Unë ua kam hjek maskën domëthënë ia kam hjek maskën shefit të saj, Albinit. Ia kam pasë borxh atedhut me ia hjek maskën, po ia kam hjek edhe qeben edhe e kam shplu prej qebes”, ka thënë ai në një debat televiziv.
Haradinaj ka thënë se kritikat e Gërvallës nuk i lënë përshtypje, por ka theksuar se ministrja Gërvalla do të duhej të fliste më shumë për rezultatet në mandatin e saj katërvjeçar.
“Për mu nuk çon peshë kurgjo. Le të na tregojë se cilin rezultat e ka? A i ka sjellë ndonjë njohje këtij vendi?”, ka pyetur ai.“Ua hoqa maskat dhe qebën”, Haradinaj i përgjigjet gjuhës ofenduese të qeveritarëve.
