Ambasadori i Shteteve të Bashkuara të Amerikës në Prishtinë, Jeffrey Hovenier, ka ritheksuar nevojën urgjente që Kosova të zbatojë marrëveshjen për themelimin e Asociacionit të Komunave me shumicë serbe, raporton Gazeta Sinjali.
Hovenier ka folur për çështjen nëse Kosova do të përballet me pasoja të reja nëse nuk zbatohet kjo marrëveshje, duke thënë se nëse Qeveria nuk përgjigjet – ndikon në cilësinë e partneritetit me ndërkombëtarët.
“Unë nuk mund të flas për llogaritjet e tyre, unë mund të flas vetëm për urgjencën e kësaj. Mendoj dhe siç tregon situata aktuale, kjo është mjaft urgjente dhe ne do të donim ta shihnim të ketë lëvizur përpara. Dhe nuk e di nëse kam diçka më shumë për të thënë për pasojat nga ajo që kam thënë. Në masën që qeveria është e përgjegjshme për gjërat që ne besojmë se janë të rëndësishme dhe të cilat besojmë se e avancojnë trajektoren evropiane dhe euro-atlantike të Kosovës, rrit partneritetin tone. Në masën që qeveria nuk përgjigjet kjo ndikon në cilësinë e partneritetit tonë”, ka thënë ai në RTV21.
