Kryetari i LDK-së në Podujevë Ekrem Hyseni bashkë me nënkryetaren e Prishtinës Jehona Lushaku kanë vizituar disa biznese në Podujeve.
Statusi i plotë:
Dje ishte një ditë frymëzuese dhe e mbushur me aktivitet! Së bashku me zonjën Jehona Lushaku, nënkryetaren e kryeqytetit, patëm rastin të vizitojmë disa nga bizneset e suksesshme në Podujevë. Filluam me “Ananas Impex” dhe “Përparimi Mont”, ku pamë nga afër procesin e prodhimit, punën e shkëlqyer dhe përkushtimin e tyre për të qëndruar të suksesshëm në tregjet vendore dhe të huaja. Është vërtetë mbresëlënëse të shohësh se si sipërmarrjet tona Llapjane po ecin përpara me hapa të sigurt.
Më pas, vizita vazhdoi në qendrën e apiterapisë të Rexhep Beqirit, një bletar që mbanë 80 shoqëri bletësh në fshatin Herticë. Përveç bletarisë dhe apikomores për apiterapi janë mahnitëse idetë dhe planet për ekoturizëm të cilat planifikon t’i jetësoj ketë vit Rexhepi.
Gjithashtu, kemi pasur kënaqësinë të takojmë fermerin Hatip Ramadani nga Siboci, i cili me përpjekje dhe investime të veta ka ndërtuar një shtallë ku rrit 16 krerë lopë. Është frymëzuese të shohësh punën dhe përkushtimin e tij për bujqësinë.
Falënderoj çdo sipërmarrës dhe fermer për mikpritjen dhe shembujt e jashtëzakonshëm të përkushtimit dhe punën e tyre të palodhur!
Mbrëmjen e kaluam në një mënyrë po aq frymëzuese. Në konakun e z. Mehmet Miftarit, së bashku me nënkryetaren e Prishtinës zonjën Jehona Lushaku dhe deputetin Besian Mustafa, në një takim me qytetarë. Bashkëbiseduam hapur për hallet, problemet dhe sfidat me të cilat po përballen ata përditë. Ishte një mundësi e shkëlqyer për të dëgjuar zërat dhe shqetësimet e tyre direkt nga burimi, duke na ndihmuar të kuptojmë më mirë nevojat e qytetarëve tonë.
Gjithashtu, shpalosëm detajet e programit tonë ambicioz “Rruga e Re”, një iniciativë që synon të përmirësojë jetën përmes 100 projekteve të fokusuara në pothuajse të gjitha fushat e jetesës. Ky program është dëshmia jonë e angazhimit për të sjellë ndryshime pozitive dhe të qëndrueshme që do të prekin çdo qytetar në mënyrë të drejtpërdrejtë.
Falënderojmë të gjithë pjesëmarrësit për kohën e tyre dhe për ndarjen e mendimeve dhe ideve të tyre. Vetëm duke punuar së bashku që mund të tejkalohen sfidat dhe të ndërtohet një të ardhme më e ndritur për të gjithë.
