Jashari: Mund të ketë edhe sulme të tjera në veri por tani duke përdorur serbët lokalë!

Drejtori Ekzekutiv i Demokracia Fillon Këtu, Shemsi Jashari, në një prononcim dhënë për “Gazeta Blic” ka folur në lidhje me paralajmërimin e kryeministrit Kurti se mund të ketë të tjerë skenarë destabilizuaes në veri të vendit.

Jashari tha se duke parë situatën në veri tash e sa vite dhe sulmin e fundit terrorist, pritet të ketë edhe sulme të tjera.

 

Ai tha se mund të ndryshoj tanimë forma duke i përfshirë edhe serbët lokalë.

 

“Duke parë situatën në veri të Kosovës tash e sa vite, e me theks të veçantë në javët e fundit pas sulmeve terroriste, të sponzorizuara dhe udhëhequra nga Serbia, është e besueshme se mund të ketë sulme tjera. Por, që mund të ndryshoj forma e tyre duke i involvuar banorët lokal Serb, me qëllim të mbulimit të gjurmeve dhe duke dashur të paraqiten para opinionit ndërkombëtar se janë banorët lokal ata që nuk pajtohen me Kosovën dhe jo Serbia” tha Jashari për “Gazeta Blic”.

Ai tha se Kosova duhet të punoj shumë dhe në bashkëpunim të ngushtë me faktorin ndërkombëtar me qëllim të menaxhimit të ndonjë veprimi destabilizues.

“Ajo që duhet të bëjë qeveria e Kosovës është, të punoj shumë në parandalim dhe sidomos nëse ndodhë ndonjë veprim në demaskim të situatave destabilizuese.Për këtë të qëndroj në bashkëpunim të afërt me faktorin ndërkombëtar sidomos me SHBA me qellim të menaxhimit sa më të mirë dhe me sa më pak pasoja.Nuk do të ishte befasi nëse sërbët ndërrmarin veprime guerile gjuaj e ik për të shkaktuar frik, destabilizim dhe dëme në forcat policore të Kosovës.Gjith faktorët relevant të sigurisë kanë konstatuar se gjendja në veri është e tensionuar dhe jo stabile dhe esaklimet e paralajmëruara mund të ndodhin, sepse mosndëshkimi i Serbisë mund të dergoj sinjal të keë tek Serbia se mund të vazhdojnë me sulme dhe nuk ndëshkohen” dekalroi Jashari për “Gazeta Blic”.

 

Kryeministri , Albin Kurti, dekalroi dje në mbledhjen e Qeverisë se institucionet e sigurisë dhe ato të inteligjencës kanë hetuar rritje të rrezikut që ditëve, javëve e muajve të ardhshëm të ketë inskenim të “sulmeve të dhunshme nga grupe e struktura kriminale të Serbisë në Kosovë”.

 

“Institucionet tona të sigurisë dhe të inteligjencës së fundi kanë hetuar rrezikun në rritje të inskenimit të sulmeve të dhunshme nga grupe të strukturave kriminale të Serbisë në Kosovë. Qëllimi i tyre kryesor është fajësimi i Policisë së Kosovës dhe paraqitja e saj si forcë shtypëse mbi serbët e Kosovës. Për ta arritur këtë nuk kanë vënë çmim tavan, nuk do të zgjedhin mjet. Fatkeqësisht, mbështetja që grupi terrorist ka marrë nga Serbia vetëm sa i ka inkurajuar”, tha Kurti.Kryeministri tha se pasi provuan që ngjarjeve të 24 shtatorit t’i jepnin “ngjyrim fetar”, tani formacionet kriminale “të sponsorizuar nga fqinji ynë verior ka shumë që ngjarë që dallimet etnike synojnë t’i keqpërdorin për qëllime politike” deklaroi Kurti raporton “Gazeta Blic”