ADVERTISEMENT
Me qëllim të lehtësimit të qarkullimit dhe krijimit të hapësirave shtesë për parkim, kryetari i Komunës së Podujevës ka marrë vendim që parkingjet e disa institucioneve arsimore të jenë në dispozicion të qytetarëve.
Sipas vendimit, qytetarët do të mund t’i shfrytëzojnë parkingjet në IAAP “Isa Boletini”, SHFMU “Enver Maloku”, SHFMU “Dr. Ibrahim Rugova”, Gjimnazin “Aleksandër Xhuvani” dhe IAAP “Fan S. Noli”.
Ky vendim synon të ndihmojë në menaxhimin më efikas të lëvizjes në qytet, veçanërisht gjatë periudhës së fluksit të shtuar kur bashkatdhetarët tanë do të qëndrojnë në vendlindje.
Postimi i plote:
Të dashur qytetarë,
Ju njoftoj se kam marrë vendim për lejimin e shfrytëzimit të parkingjeve në shkollat IAAP “Isa Boletini”, SHFMU “Enver Maloku”, SHFMU “Dr. Ibrahim Rugova”, Gjimnazi “Aleksandër Xhuvani” dhe IAAP “Fan S. Noli”, për të gjithë qytetarët e Komunës së Podujevës.
Ky vendim është marrë me qëllim të lehtësimit të qarkullimit të automjeteve dhe krijimit të hapësirave shtesë për parkim, duke kontribuar në një menaxhim më efikas të lëvizjes në qytet gjatë periudhës që bashkatdhetarët tanë do të jenë për pushime në vendlindje.
