Kryetari i Kuvendit të Kosovës, Glauk Konjufca, ka uruar Krishtlindjen për të gjithë besimtarët katolikë.
Përmes një postimi në Facebook, Konjufca ka thënë se mesazhi i kësaj feste vendos në zemra dëshirën për të dhënë gëzim te të tjerët.
“Fryma e Krishtlindjes na bën që të kthehemi kah drita dhe të jemi mirënjohës për begatitë që na janë dhuruar. Mesazhi i saj vendos në zemrat tona një dëshirë për t’u dhënë gëzim edhe njerëzve të tjerë”, ka shkruar ai.
ADVERTISEMENT
Konjufca uron që këtë festë besimtarët e krishterë ta kalojnë në ngrohtësinë e shoqërisë.
“Uroj që ta kaloni këtë festë në ngrohtësinë e shoqërisë së njerëzve tuaj më të dashur. Qofshit të mbushur me dritë, dashuri dhe plot gëzime, tani dhe gjithmonë! Gëzuar Krishtlindjen!”, ka thënë ai.
