“Kryeshefi i KEK-ut paguhet rreth 3500 euro” – Llumnica: Pagat e larta, s’folin me neve

Kryeshefi i pezulluar i KEK-ut, Nagip Krasniqi merr pagë rreth 3500 euro për punën në këtë korporatë. Derisa paga mesatare e një punëtori është 627 euro.

Ka bërë të ditur kështu, Nexhat Llumnica nga Sindikata e Re e Punëtorëve të kësaj ndërmarrje, shkruan Gazeta10.

“Kryeshefi i KEK-ut e ka pagën 3500 euro, ndoshta më shumë pagë, kur te llogaritësh që është dy herë më e lartë se e kryeministrit. Ndonjëherë hezitojnë me fol edhe me neve sepse kanë pare shumë e neve nuk na shohin.”, tha ai.

Llumnica në Prime Time në Kanal10 ka folur edhe për kërkesat e punëtorëve drejtuar shefave të kësaj ndërmarrje.

“Paga e tyre mesatare (jo të menaxhmentit se kanë paga më të larta), paga mesatare është 627 euro e punëtorëve që punojnë me ndërrime, jashtë orarit e që jepinë mund të jashtëzakonshëm. Nuk mjafton për mundin që e bajna. Ne nuk po kërkojnë lëmoshë, por ndjersën tonë. Në ndërmarrjet publike në vendet tjera, në buxhet për paga 27%-30% është një rregull e pashkruar që po të jetë një kompani e fuqishme. Në një pasqyrë që pamë, pagatv e KEK-ut, nuk mund të jenë as 15% të të hyrave financiare të korporatës. KEK-u e ka mundësinë e ngritjes financiare të pagave, t’i shlyjë borxhet ndaj punëtorëve. 105 milionë euro i ka të deklaruara.”, tha Llumnica në Prime Time./Gazeta10