ADVERTISEMENT
Kryetari i Komunës, Shpejtim Bulliqi dhe drejtori i Arsimit, Avni Fetahu sot kanë vizituar dy çerdhet e reja në Lluzhan dhe Sfeçël, të cilat janë hapur muajin e kaluar për t’i shërbyer fëmijëve të këtyre komuniteteve.
Në vizitat që kanë bërë në këto çerdhe kryetari Bulliqi dhe drejtori Fetahu nga afër kanë parë mbarëvajtjen e procesit mësimor, ku edhe e shfrytëzuan rastin për t’i përgëzuar stafin arsimor për punën e mirë që po e bëjnë, duke ju ofruar mbështetje të plotë të institucioneve lokale në punën e tyre.
Kryetari Bulliqi me rastin e kësaj vizite tha “Investimet në ndërtimin e çerdheve të reja do t’i vazhdojmë sepse arsimi është fusha më me prioritet në qeverisjen tonë, prandaj edhe kemi koncentruar investimet për të rregulluar infrastrukturën arsimore e ngritur cilësinë e mësimnxënies”.
