Pas ndalimit për të dytën herë të Rada Trajkoviqit, këshilltares së ministrit për Kthim dhe Komunitete Nenad Rashiq në Qeverinë e Kosovës, nga Policia serbe në Merdare, ka reaguar edhe kryeministri i Kosovës Albin Kurti.
Ai e ka quajtur ndalimin si shkelje të rëndë të drejtave të njeriut dhe hakmarrje nga regjimi autoratk serb.
“Ndalimi 10-orësh në kufi nga regjimi autokratik serb i Rada Trajkoviq, këshilltare e ministrit kosovar Nenad Rashiq dhe një diabetike, për herë të dytë këtë javë, është një shkelje e rëndë e të drejtave të njeriut dhe hakmarrje tipike ndaj serbëve që respektojnë ligjin e Kosovës”, ka shkruar Kurti, derisa në postim ka përmendur edhe Përfaqësuesin e Lartë të BE-së, Josep Borrell dhe emisarin special, Miroslav Lajçak”, thuhet në reagimin e Kurtit.
