Në Podujevë do të shënohet Dita e Kulturës Japoneze

JICA Alumni Asociacioni i Kosovës me mbështetjen e Ambasadës së Japonisë në Kosovë dhe Agjencionit Japonez për Bashkëpunim Ndërkombëtar (JICA) në bashkëpunim me Komunën e Podujevës organizojnë aktivitete për shënimin e “Ditës së Kulturës Japoneze” e cila do të mbahet më 10 shkurt (e shtunë) nga ora 11:00, në Teatrin “Avdush Hasani”.

Në këtë ngjarje do të ketë fjalë rasti me rastin e shënimit të kësaj dite nga; kryetari i Komunës, z. Shpejtim Bulliqi, i ngarkuari me punë në Ambasadën e Japonisë në Kosovë, z. Keisuke YAMANAKA, ambasadori i Kosovës në Japoni, z. Sabri Kiçmari.

Në këtë ngjarje për të pranishmit do të servohen ushqime tradicionale japoneze, poashtu do të demonstrohen sporte japoneze, do të rrëfehen ngjarje dhe histori të popullit japonez etj. Kjo po bëhet me qëllim të njoftimit për së afërmi të popullit tonë me kulturën e vendit mik, Japonisë.

Ftojmë qytetarët e Komunës së Podujevës për pjesëmarrje!