Në shkollat e Komunës së Podujevës ka filluar procesi i vaksinimit me HPV, kundër kancerit të qafës së mitrës

Sot gjatë ditës kryetari i Komunës, Shpejtim Bulliqi bashkë me ministrin e Shëndetësisë, Arben Vitia, drejtorin e IKSHPK-së, Naser Ramadani, deputetin Vendenis Lahu, drejtorët Adelina Stublla e Avni Fetahu, si dhe menaxhmentin e QKMF-së e personelin mjekësor ishin në shkollën fillore në Letanc për të përcjellur nga afër procesin e vaksinimit me HPV të vajzave.

Kryetari Bulliqi tha se “Vaksinimi me HPV është vërtetuar shkencërsisht se parandalon kancerin e qafës së mitrës tek vajzat, ai apeloi tek të gjithë prinderit që t’i inkurajojnë vajzat e tyre për të marrë vaksinën sa më shpejtë”.

Gjithashtu ministri Vitia dhe drejtori Ramadani apeluan tek të gjitha vajzat për vaksinim. Vaksinimi me HPV do të vazhdojë në shkollat e Komunës së Podujevës për të gjitha vajzat mbi 12 vjet.