Policia e Kosovës ka arrestuar personin me nofkën “Gandi”, i cili dyshohet për hedhjen e mjetit shpërthyes në kanalin kryesor të Ibër-Lepencit.
Televizioni Tëvë1 mëson se “Gandi” është person i afërt me kryeterroristin Millan Radojiçiq.
Ndërkohë, Teve1 mëson se i arrestuari i dytë është Dusan Milunoviç, delgat i Listës Serbe në Kuvendin Komunal të Mitrovicës së Veriut.
Megjithatë, lidhur me këtë rast, kryeministri i Kosovës, Albin Kurti ka njoftuar se edhe disa të dyshuar janë arrestuar dhe se janë gjetur prova materiale në lidhje me shpërthimin.
Sulmi ndaj Ibër-Lepencit ishte i treti brenda 72 orëve të fundit në veri të vendit, i banuar me shumicë serbe, pas shpërthimeve që ndodhën në një stacion policor dhe në ndërtesën e Komunës në Zveçan.
ADVERTISEMENT
