Deputeti i AAK-së, Pal Lekaj, duke komentuar zhvillimet e fundit pas largimit të serbëve nga institucionet e Kosovës, ka thënë se kjo është dëshmi që ata nuk janë të interesuar që të ketë stabilitet në Kosovë.
Lekaj ka thënë se ky është po ashtu një agrument që jemi larg marrëveshjes finale, shkruan Gazeta Online Reporteri.net.
Ai ka kritikuar Qeverinë e Kosovës se nuk e ka menaxhuar mirë këtë situatë dhe nuk i ka marrë seriozisht kërcënimet e tyre, por ka thënë se faji kryesor mbetet i Vuçiqit, pasi nga ai i kanë marrë dirigjimet.
“Kjo është një dëshmi se ata nuk janë të interesuar që të këtë stabilitet në Kosovë. Kjo është edhe një argument që jemi larg, shumë larg marrëveshjes. Qeveria e Kosovës është dashur që ta menaxhoj shumë më mirë situatën në veri, në mënyrë që të mos vije ky moment dhe të kthehemi mbrapa për 20 vite. Sepse me mund janë kthyer në institucione të Kosovës dhe i kanë pranuar institucionet lokale dhe qendrore.
Qeveria e Kosovës nuk e ka menaxhuar mirë situatën dhe nuk e ka marrë seriozisht edhe kërcënimin e tyre qe e kanë bërë në vazhdimisht. Por, faji i mbetet Vuqiçit, sepse këta kanë qenë në Beograd dhe kanë marr sugjerime. Kjo ka ndodhur pas takimit që kanë pasur me Vuqiçin”, ka thënë Lekaj. /Reporteri.net
