ADVERTISEMENT
Komiteti për Komunitete i Kuvendit Komunal të Podujevës sot ka mbajtur mbledhjen e radhës të cilën e udhëhoqi kryesuesi i Komitetit, Xhafer Ademi.
Në pikën “Informatë nga drejtoria e Shërbimeve Publike, Mbrojtje dhe Shpëtim, rreth mundësive të realizimit të projekteve që ndikojnë drejtpërdrejt tek komunitetet jo shumicë, siç është projekti “Ndërtimi i rrjetit të ri të ujësjellësit në lagjen ku jetojnë komunitetet jo shumicë në rr. “Ali Ajeti” dhe rr. “Ulqini” në Podujevë, dha informatë drejtori nga DSHMSH, Bahri Selimi, ku paraqiti projektet e realizuara në lagjet e komunitetit, kërkësat të cilat po trajtohen tani gjatë periudhës së hartimit të projekteve, dhe mundësitë e trajtimit të rrjetit të ujësjellësit, ku theksoi që kjo tani çështje është kompetencë e KRU “PRISHTINA”.
Ndërsa në pikën e dytë “Informatë e Drejtorisë së Shëndetësisë dhe Mirëqenies Sociale, për gjendjen socio-ekonomike, gjendjen e banimit dhe strehimit të familjeve të komuniteteve jo shumicë në Komunën e Podujevës”, e paraqiti drejtoresha e Shëndetësisë, Adelina Stublla, e cila tha që komuna në vazhdimësi po ndihmon përmes mjeteve financiare, pakove ushqimore, subvencionimit të barnave sipas mundësive tjera buxhetore.
Drejtoresha Stublla sa i përket çështjes së banimit theksoi që rastet janë të evidentuara dhe po presin në rast së ka ndonjë donatorë për të ndihmuar për ndërtimin e shtëpive, lidhur me pikë të rendit të ditës, udhëheqësi i Zyrës Komunale për Kthim dhe Komunitete, Liman Zeqiri paraqiti hapat të cilat janë ndërmarrë deri tani në koordinim me zyrat dhe ministritë përkatëse për zgjidhjen e banimit të këtyre familjeve.
