Kryetari i Komunës së Podujevës, Shpejtim Bulliqi, ka takuar sot shefin e Shërbimit Mjekësor Shtëpiak, Dr. Istref Plakollin, me të cilin ka ndarë kafen e mëngjesit.
Në këtë takim, Kryetari Bulliqi e ka falënderuar Dr. Plakollin për menaxhimin e shkëlqyer të këtij shërbimi, i cili u ofron ndihmë të drejtpërdrejtë qytetarëve në shtëpitë e tyre.
Sipas të dhënave të prezantuara nga Dr. Plakolli, shërbimi arrin t’u kursejë qytetarëve të Llapit rreth 800 mijë euro në vit, duke reduktuar shpenzimet për vizita dhe trajtime mjekësore në klinika private.
Bulliqi e përgëzoi ekipin për punën dhe përkushtimin e treguar, duke e vlerësuar si një shërbim me ndikim të madh social dhe ekonomik për komunitetin.
ADVERTISEMENT
