Prokuroria Themelore në Prizren ka dalë me detaje të reja lidhur me vrasjen e gruas 67 vjeçare në fshatin Kuk të Dragashit, nga kunata e saj.
Nga Prokuroria kanë deklaruar se vrasja është kryer me dashje, derisa kunata e ka goditur viktimën disa herë me dru në kokë duke i shkaktuar gjakderdhje, transmeton Gazeta Online Reporteri.net.
“E pandehura N.A., me dashje ka privuar nga jeta anëtaren e familjes – motrën e bashkëshortit të saj, me të cilën ka bashkëjetuar në ekonomi të përbashkët familjare, në atë mënyrë që me datë 23.12.2022, rreth orës 10:00, derisa e ndjera ishte e shtrirë në njërën nga dhomat e shtëpisë, e pandehura me anë të një shkopi prej druri të modifikuar e godet disa herë viktimën në kokë dhe në pjesë të ndryshme të trupit duke i shkaktuar gjakderdhje në tru, dhe si pasojë e këtij lëndimi e njëjta ka ndërruar jetë me datë 26.12.2022, rreth orës 05:30″, thuhet në njoftimin e prokurorisë.
Kësisoj, Prokuroria ka kërkuar nga Gjykata caktimin e masës së paraburgimit kundër të pandehurës N.A, nën akuzat për “Vrasje të rëndë”.
Kunata N.A dhe nipi J.A, i viktimës S.D (67-vjeçare) e cila u gjet e vdekur, ngarkohen se i shkaktuan dhunë psiqike viktimës, duke e nxjerrë nga shtëpia për të qëndruar në një pjesë të oborrit (qilar). /Reporteri.net/.
