Deputetja e LDK-së, Vlora Dumoshi, ka marrë shkak nga ‘dhurata’ e kryetarit të Prishtinës, Përparim Rama, për ta thumbuar presidenten Vjosa Osmani.
Në Ditën e Gruas, Rama ia dhuroi Osmanit ‘Hyjneshën në fron’, çka Dumoshi e përdori si mundësi për t’i thënë Presidentes ta lëshojë karrigën, shkruan gazeta online Reporteri.net.
Dumoshi tha se kjo figurë i është dhënë ‘plangprishësve’.
Më rastin e Ditës së Gruas, kryetari i Komunës së Prishtinës, Përparim Rama, ia ka dhuruar presidentes së vendit, Vjosa Osmani, figurën e Hyjneshës në fron.
Hyjnesha në fron është simbol i qytetit të Prishtinës.
Përmes një postimi në Facebook, Rama ka thënë se me presidenten Osmani ka diskutuar për angazhimin në fuqizimin e grave dhe rëndësinë e përfshirjes së tyre në pozita drejtuese. /Reporteri.net/.
