Kryetari i Leposaviqit, Lulzim Hetemi, po raportohet se ka marrë vendim që të mos lejojë vendosjen e flamujve serbë në territorin e kësaj komune.
Kështu ka raportuar mediumi serb, Tanjug, që sipas tyre ky vendim i Hetemit lidhet me një kërkesë të disa qytetarëve serbë, për të shënuar festën e Shën Vasili Ostrogut, më 12 maj.
Kjo ka bërë që të ketë reagim të Listës Serbe, të cilët i janë referuar nenit 59 të Kushtetutës së Kosovës, duke cekur që vendosja dhe respektimi i simboleve kombëtare është e drejtë e njohur ndërkombëtarisht.
“Kjo është pamja e luftës së Kurtit kundër krimit dhe respektimi i ligjeve”, është shprehur subjekti politik serb.
Gazeta Nacionale ka tentuar të merr një përgjigje nga kryetari Hetimi në lidhje me këto raportime, mirëpo deri në publikimin e këtij lajmi, i njëjti nuk ka kthyer përgjigje.
Megjithatë ne nuk e kemi parë një vendim të publikuar zyrtarisht e të protokolluar nga kryetari Hetemi./Nacionale
