Sot një javë në Drenas ndodhi një përleshje brutale, ku ishin përfshirë nëntë të rinj.
Në mesin e tyre ishte edhe djali i eprorit të policisë, Valdet Bujupi, i cili mori goditje me thikë, por është jashtë rrezikut për jetën.
Mosmarrëveshja mes të rinjve kishte nisur fillimisht në një kafiteri (bilardo), që eskaloi më pas në rrugë, ku dyshohet se u përdorën edhe mjete të forta.
Rasti ndodhi pas një konflikti verbal, që i shtyri të miturit të dalin nga lokali, duke u rrahur më pas me grushte, më ç’rast janë përdorur edhe thika dhe shkop bejsbolli.
Për pasojë, katër persona kanë marrë lëndime dhe fillimisht janë trajtuar në Drenas e më pas janë transferuar në QKUK.
Policia ka dhënë detaje se si ka ndodhur rasti të cilin prokurori e ka vlerësuar lëndim i rëndë trupor, pjesëmarrje në rrahje dhe armëmbajtje pa leje.
“Rruga “Ilaz Kodra”, Gllogoc 24.11.2022 – 23:16. Raportohet se pas një mosmarrëveshje në një biliardo, janë përfshirë në rrahje nëntë të dyshuar meshkuj kosovarë, gjashtë të mitur. Si pasojë e përleshjes tre nga të dyshuarit kanë pësuar lëndime dhe u është ofruar tretman mjekësor. Në lidhje me rastin është konsultuar prokurori i shtetit me vendim të të cilit tre nga të dyshuarit janë arrestuar dhe dërguar në mbajtje për 24 orë”, thuhet në njoftimin e policisë së Kosovës.
