ADVERTISEMENT
Sot,në ambientet e Teatrit “Avdush Hasani” në Besianë,u mbajt një Manifestim Përkujtimor në nderim dhe kujtim për rapsodin e mirënjohur Naz Gërdoci,i cili vite më parë pati ndërruar jetë.
Salla ishte e vogël për t’i zënë të gjithë të interesuarit,që donin për ta përcjellë këtë event të mrekullueshëm.Merita për organizimin e tij kanë Njazi Latifi udhëheqës i Teatrit dhe shtëpisë filmike “Qëndresa”dhe veterani i UÇK-së dhe poeti Arsim A Bajrami.
Manifestimi u hap me një instrumental të shkëlqyer të mjeshtërve të mëdhenj të folklorit Fatmir Makolli dhe Bahri Rashiti,të cilët me virtuozitetin e tyre mahnitën publikun llapjan.
Në vijim të këtij eventi dinjitoz,u promovua dhe kënga për Naz Gërdocin,e interpretuar mrekullisht nga këngëtari Muhamet Ahmeti.
Më pas me pika artistike u paraqitën edhe Rizah Selimi,Rrahim Fejzullahu,Besianë Bajrami ,Fatbardha Jakupi dhe Shoqëria “Flaka e Llapit”.
Manifestimi i sotëm dëshmoi dhe njëherë se trashëgimia jonë kulturore është një thesar i madh,të cilin e begatuan dhe yjet që vajtën në përjetësi,siç është rapsodi Naz Gërdoci,i cili brezave iu la një veprimtari aq të begatë me motive nga folklori ynë me aq vlera dhe me aq traditë.
Më pas Mirënjohje për kreacionet e mëdha në folklor iu ndanë post mortum edhe rapsodit veteran Qazim Batllava dhe Naz Gërdocit .Mirënjohjen për të parin e ndau Njazi Latifi,ndërkaq për të dytin veprimtari i mirënjohur Liman Zeqiri dhe Ismet Rama.
E falënderoj përzemërsisht Organizatorin,që ma besoi mua,moderimin e këtij Manifestimi ,i cili gjatë do të mbahet mend,për suksesin që e pati…!
