Nis vaksinimi i qytetarëve të Podujevës ndaj parandalimit të semundjes së covid-19 dhe gripave sezonal.
Sipas Ministrisë së Shëndetësisë, ky aktivitet i organizuar nga MSH dhe IKSHPK, me mbështetjen e OBSH-së, synon të promovojnë vaksinën kundër COVID-19 dhe kundër gripit sezonal, si mënyrën më efektive dhe më të dobishme për të parandaluar këto dy sëmundje dhe mbrojtur qytetarët nga format e rënda të tyre.
“Qytetarët e Podujevës do të kenë mundësi të martën që në sheshin e qytetit të marrin vaksinën kundër Gripit sezonal dhe, gjithashtu, dozën bivalente përforcuese kundër COVID-19, në mënyrë specifike kundër të gjitha varianteve të Omicron. Shfrytëzojeni këtë rast, bëjini vetes një dhuratë për festat e fundvitit-Vaksinohu”, thuhet në komunikatë.
