“Vëllezërit e mi”, ish-kongresisti amerikan iu shkruan letër ish-krerëve të UÇK-së në Hagë

Ish-kongresmeni amerikan Tony Hall në prag të 15 vjetorit të pavarësisë së Kosovës u kishte dërguar letër ish-krerëve të UÇK-së të cilët po mbahen në Hagë si rezultat i nëj aktakuzë të ngritur nga Prokuroria e Specializuar.

Në letrën e tij Hall iu është referuar krerëve të UÇK-së si vëllezër dhe ka shkruar se që kur ishte ndarë nga takimi me ta, s’ka rreshtur së luturi.

Hall ka treguar se si familjarë të krerëve të UÇK-së e kanë kontaktuar për t’ia uruar ditëlindjen.

“Shumë nga anëtarët e familjes suaj më kanë kontaktuar në ditëlindjen time me përshëndetje dhe falënderime të mrekullueshme. Ishte vërtet emocionuese për mua”, ka shkruar Hall.

Ish-ambasadori i Kosovës në Japoni, Ahmet Shala, javë më parë së bashku me kongresmenin amerikan Tony Hall, kishin vizituar në Hagë ish-krerët më të lartë të Ushtrisë Çlirimtare të Kosovës.

Kjo është letra e plotë e ish-kongresmenit dhe ambasadorit amerikan, Tony Hall derguar krerëve të UÇK-së:

Vëllezërit e mi,

Që kur ju kam vizituar për herë të fundit, nuk kam reshtur së luturi për ju. Shumë nga anëtarët e familjes suaj më kanë kontaktuar në ditëlindjen time me përshëndetje dhe falënderime të mrekullueshme. Ishte vërtet emocionuese për mua.

Këtë mëngjes po lexoja disa vargje nga shkrimet e shenjta dhe mendova se mund të ishin të dobishme dhe inkurajuese edhe për Ju. Psalmi 145:18 “Zoti është pranë të gjithëve, pranë të gjithë atyre që besojnë në të vërtetën e Tij”. Dhe Isaia 41:10 “Prandaj mos kini frikë, sepse unë jam me ju; mos u trembni, sepse unë jam Perëndia juaj. Unë do t’ju forcoj dhe do t’ju ndihmoj; Unë do t’Ju mbështes me dorën time të drejtë të djathtë.”