Vrasje në Prishtinë, dyshohet se viktima u gjuajtë me kallashnikov

Një person është gjetur i vdekur rreth orë 20:00 në Rrugën “C” në Prishtinë.

Lajmin e ka konfirmuar për Gazeta10, zëdhënësi i Policisë për rajonin e Prishtinës, Agron Borovci.

“Sot rreth orës 20:00, është raportuar për gjuajtje me armë zjarri të ndodhur në rrugën “C” në Prishtinë.   Policia ka dalë në vendin e ngjarjes dhe nga informacionet e para  të marra  nga mjekët emergjent është konfirmuar se një  person  është pa shenja jete.  Policia po vijon punën me veprime të ekzaminimit të vendngjarjes si dhe me veprime të tjera operativo-hetimore me qëllim identifikimin dhe lokalizimin e të dyshuarve të implikuar në rast.”, tha Agron Borovci për Gazeta10.

Siç është raportuar nëpër media dyshohet se viktima ka plagë nga kallashnikovi.