Podujeve: Aksident mes veturës dhe çiklistit, humb jetën një person

Një çiklist ka humbur jetën si pasojë e një përplasjeje me një veturë në Lluga të Podujevës.

Lajmin për Nacionalen e konfirmoi zëdhënësja e policisë për rajonin e Prishtinës Florie Ahmeti.

Ahmeti bëri të ditur vdekjen e viktimës e ka “konstatuar ekipi mjekësor në vendngjarje”.

“Sot rreth orës 16:20 kemi pranuar informatën se në fshatin Lluga të Podujevës, ka ndodhur një aksident trafiku me pasoja fatale.

Në këtë aksident, kanë qenë të përfshira, një biçikletë dhe një automjet në lëvizje. Si pasojë e aksidentit, lëndime të rënda trupore ka pësuar biçiklisti, i cili nuk ka arritë të përballojë plagët dhe i njëjti ka ndërruar jetë”, tha Ahmeti.

Vdekjen e tij e ka konstatuar ekipi mjekësor në vendngjarje.