Tetori shënon muajin e ndërgjegjësimit për kancerin e gjirit, duke theksuar rëndësinë e parandalimit dhe zbulimit të hershëm të kësaj sëmundjeje. Në kuadër të kësaj, Komuna e Podujevës ka marrë një nismë të rëndësishme për të mbështetur gratë e komunitetit.
Mamografia do të ofrohet falas edhe këtë vit në **Qendrën Kryesore të Mjekësisë Familjare në Podujevë**. Kjo nismë është e dedikuar veçanërisht për gratë mbi moshën 40 vjeç, duke i ftuar të përfitojnë nga kjo mundësi për të kontrolluar shëndetin e tyre.
Në hyrje të objektit të komunës, është vendosur një baner me pyetjen: **”A e keni bërë mamografinë këtë vit?”**, një thirrje që synon të inkurajojë kontrolle të rregullta për një zbulim të hershëm dhe efektiv të kancerit të gjirit.
Përmes kësaj nisme, qytetarët inkurajohen të kontribuojnë në mbështetjen e grave që përballen me këtë sëmundje dhe të nxisin kontrolle të rregullta shëndetësore.
