ADVERTISEMENT
Sot gjatë ditës kryetari i Komunës, Shpejtim Bulliqi i shoqëruar nga drejtori i Urbanizmit Leutrim Krasniqi kanë vizituar punimet që po zhvillohen në asfaltimin e rrugëve në fshatrat Konushec, Gllamnik dhe Sallabajë.
Në kuadër të realizimit të projekteve në infrastrukturë rrugore, janë duke u zhvilluar punimet edhe në këto fshatra me gjatësi rreth 5km.
Kryetari Bulliqi i uroj banorët në jetësimin e këtij projekti dhe tha se investimet në përmirësimin e infrastrukturës do të vazhdojnë, në mënyrë që të përmirësojmë kushtet e jetesës për qytetarët tanë.
Ndërkaq, gjatë kësaj periudhe janë duke u zhvilluar punime në asfaltimin e rrugëve edhe në shumë fshatra të tjera të Podujevës.
21.06.2023, Podujevë
Zyra për Marrëdhënie me Publikun dhe Informim
