Dy vëllezër sulmojnë fizikisht përmbaruesin privat

Përmbaruesit privatë në Kosovë shpeshherë hasin në telashe me qytetarët që janë debitor në procedurë përmbarimore. Ata jo rrallëherë kanë qenë cak i ofendimeve, kërcënimeve, e madje edhe sulmeve gjatë kryerjes së detyrave, raporton Gazeta Sinjali.

Një rast i tillë ka ndodhur gjatë ditës së djeshme në Gjakovë.

Burimet e Sinjalit brenda Prokurorisë kanë bërë me dije se dy persona, vëllezër mes vete dyshohet se pas një mosmarrëveshje momentale e kanë sulmuar përmbaruesin privat në këtë komunë.

Rasti është denoncuar menjëherë dhe në vendin e ngjarjes është arrestuar njëri nga personat e dyshuar.

I dyshuari është shoqëruar në stacion policor, ku është intervistuar lidhur me rastin.

Pas përfundimit të procedurave policore, Prokurori i Shtetit ka urdhëruar që ndaj tij të caktohet masa e ndalimit policor dhe të iniciohet rasti.