Hapet panairi me produkte ushqimore dhe artizanale
Komuna e Podujevës në bashkëpunim me OJQ-në “D&D Business Support Center”, ka organizuar Panairin me produkte ushqimore dhe artizanale. Në hapjen e panairit, fjalë rasti mbajtën Kryetari i Komunës, z.Shpejtim Bulliqi, dhe drejtori ekzekutiv i OJQ-së, z.Safet Fazliu.
Ky panair është mbështetur nga Ministria e Bujqësisë, Pylltarisë dhe Zhvillimit Rural dhe synon të promovojë prodhimet vendore ushqimore si dhe punimet artizanale me motive kombëtare, duke përkrahur gratë në zhvillimin e mëtejshëm të aktiviteteve të tyre.
Në hapjen e panairit morën pjesë edhe drejtorë dhe asamblistë komunalë.
Panairi do të qëndrojë i hapur sot dhe nesër prej orës 10:00 deri në orën 16:30 në Bulevardin e Qytetit pranë Sheshit “Ali Ajeti”.
