Për situatën e krijuar në veri të Kosovës KFOR-i ka deklaruar se e vetmja rrugë drejt paqes është që Beogradi dhe Prishtina t’i zgjedhin çështjet përmes dialogut.
Sipas tyre, Beogradi dhe Prishtina duhet të arrijnë një zgjidhje që respekton të drejtat e të gjithë komuniteteve, raporton teve1.info
KFOR-i thekson se është e rëndësishme që të shmanget çdo përshkallëzim.
“E vetmja rrugë drejt paqes është që Beogradi dhe Prishtina t’i zgjidhin çështjet e tyre përmes dialogut dhe të arrijnë një zgjidhje që respekton të drejtat e të gjitha komuniteteve. Është e rëndësishme të shmanget çdo përshkallëzim i ri”, thuhet në reagimin e KFOR-it.
“KFOR-i mbetet jashtëzakonisht vigjilent dhe plotësisht i aftë për të përmbushur mandatin e tij të OKB-së”, thuhet më tej.
Ndryshe, sot për ditën e katërt me rradhë në veri të Kosovës disa rrugë vazhdojnë të jenë të bllokuara nga kamionët që serbët lokal kanë vendosur në shenjë proteste pas arrestimit të ish-pjestarit të policisë, Dejan Pantiq i cili dyshohet se sulmoi policinë e Kosovës.
