ADVERTISEMENT
Komuna e Podujevës në bashkëpunim me Organizatat e dala nga lufta e UÇK-së, kanë bërë homazhe dhe kanë vendosur lule të freskëta në 27 vjetorin e rënies së heronjve Zahir Pajaziti, Hakif Zejnullahu dhe Edmond Hoxha.
Delegacioni i Komunës së Podujevës, bashkë me kryeministrin Albin Kurti, kryetarin e Kuvendit Glauk Konjufca, nënkryetaren e kuvendit, Saranda Bugujevci, deputetë të kuvendit dhe asamblistë, familjarë të dëshmorëve dhe qytetarë bën homazhe në Kompleksin Memorial në Orllan, në nderim të jetës dhe veprës së dëshmorëve të cilët ranë heroikisht 27 vite me parë. Homazhe nga kjo përbërje u bënë edhe në sheshin “Katër Dëshmorët” pranë shtatoreve të heronjve.
Komuna e Podujevës në bashkëpunim me Organizatat e dala nga lufta e UÇK-së, bënë homazhe edhe tek “Kompleksi i Varrezeve të Dëshmorëve” në fshatin Penuhë dhe në kompleksin Memorial “Baza e Parë e UÇK-së” në fshatin Lladoc.
Krahas homazheve dhe aktiviteteve të cilat u realizuan gjatë ditës në “Kompleksion Memorial” në Orllan u organizua aksion për dhurimin e gjakut.
31.01.2024, Podujevë,
Zyra për Marrëdhënie me Publikun dhe Informim
