Presidenca kroate ka shpalosur detaje lidhur me vizitën e Presidentes së Kosovës, Vjosa Osmani, në Kroaci dhe takimet që do t’i zhvillojë atje me përfaqësues kroatë.
Osmani ka shkuar në këtë vizitë dyditore me ftesë të homologut të saj, Zoran Milanoviç, dhe do të shoqërohet edhe nga Zotëria i Parë, Prindon Sadriu. Përveç Zagrebit, Presidentja Osmani pritet ta vizitojë edhe Karllovacin dhe Rijekën, njoftoj Presidenca kroate, shkruan Reporteri.net.
Qëndrimin e saj, Osmani do ta fillojë me takim me Milanoviç në Presidencë, për të vazhduar edhe me kryeministrin dhe kryetarin e kuvendit.
Vetë Presidentja Osmani është shprehur e lumtur që po e nis këtë vizitë.
“E lumtur që filloj vizitën time zyrtare në Republikën e Kroacisë, një nga aleatët më të vendosur të vendit tonë”, ka shkruar shkurt shefja e shtetit.
